8 Stonne Retard hat se, déi Damplokomotiv, déi zanter dem 1. Abrëll 2009 elo eng nei Heemescht zu Lëtzebuerg fonnt huet. Et handelt sech dobei ëm eng KDL7 vum belsche Produzent Energie-Marcinelle, déi an der Slowakei restauréiert gouf. Kaaft ginn ass déi imposant schwaarz Maschinn, därer och op der Diddelenger Schmelz am Asaz waren, vun Escher Privatleit, stationnéiert wäert si awer beim Train 1900 am Fond-de-Gras ginn. Mat geliwwert gouf och e Waggon fir d'Kuelen- an d'Waasserreserven. Bei den 150-Joer-Feieren vun den CFL den 9. an 10. Mai wäerte si da fir d'éischt op Lëtzebuerger Schinnen ënnerwee sinn. (Fotoen: Jeff Spielmann)

De Samschdegowend krut d'Grande-Duchesse Maria Teresa zu Bochum an Däitschland de sougenannte Steiger Award an der Kategorie Charity.

Zeienopruff: Zanter dem 10. Februar koum et zu Schengen a Réimech zu 6 Tankstellenkiwwerfäll, bei deenen ëmmer déi 2 selwescht Brigangen am Coup waren.

De Samschdegnomëtteg, 21. Mäerz 2009 hunn nieft enger Scheier an der Géigend vu Buerglënster Richtung Allënster e ganze Stapel Pneue gebrannt. Dat gouf vill Damp, deen ee kilometerwäit gesinn huet, an den Himmel klammen. Mat Schaum haten d'Pompjeeë vu Lënster a Nidderanven awer alles relativ séier am Grëff. Blesséiert gouf keen. D'Feier war ugaang, wéi de Bauer Hecken a Palette verbrannt hat an e Fonken op d'Pneuen iwwergesprong ass. D'Fotoe si vum Luc Marteling.

EU-Fréijoersommet den 19. an 20. Mäerz zu Bréissel: Déi aus Lëtzebuerger Vue wuel wichtegst Decisioun ass, datt eist Land op der Sëtzung vum G20 den 2. Abrëll zu London, net op eng schwaarz Lëscht gesaat gëtt vu Länner, déi als Stäierparadäis considéréiert ginn. Een anert Thema ass, datt no méintelaangen Diskussiounen elo vun de 27 Stats- a Regierungscheffe festgehalen gouf, datt 5 Milliarden Euro aus der europäescher Keess an déi 27 Memberstaate fléisse sollen, fir d’Relance vun der Konjunktur an dat an der Haaptsach am Beräich vu Kommunikatiounstechnologien a vun der Energie. Bei eis am Land kommen die Suen der SEO zu Veiannen zegudd. (Fotoen: SIP / Jock Fistick)

Op der Tréierer A 1 a Richtung Stad huet en Auto an der Montée de Mënsbech den 20.03.09 gebrannt. Fotoen: Luc Rollmann

Kuerze Prozess fir de Josef Fritzl, dee sech an alle Punkte schëlleg bekannt huet an och an alle Punkte schëlleg gesprach gouf. Dofir krut hien, dee säi Meedche 24 Joer laang agespaart a vergewaltegt hat, liewenslänglech. Nodeems d'Dot bekannt gouf, war d'Welt entsat an de Fritzl gouf d'Monster vun Amstetten gedeeft. Säi Prozess goung de Méindeg, 16. Mäerz un, d'Uerteel gouf ewell den Donneschdeg, 19. Mäerz gesprach. (Fotoen a Grafiken: AFP)

Tëschent Kënzeg a Lénger ass de Mëttwochnomëtteg en ULM (Ultra-Léger Motorisé) noutgelant, well de Motor ausgaang war. Dem Pilot ass näischt geschitt.

Déi Responsabel vu Luxtram hunn den 10. Mäerz 2009 de Gewënner vum Architekebüro annoncéiert, deen den Tram an der Stad réaliséiert. Et handelt sech ëm "Liftschutz Davidson Sandilands" vu London. Hei e puer Simulatiounen vun der Avenue de la Liberté an der Place de Paris mat dem Tram!

Um Samschde géint hallwer 5 Moies sinn d'Pompjeeë vu Péiteng op e Brand bei der Schoul geruff ginn. E Container stoung do a Flamen. FOTOEN: CI Péiteng

Vum 6. bis den 8. Mäerz war "Gréng" Tromp an de Luxexpo-Halen: Jardirève housch d'Zauberwuert, dat d'Häerzer vun all Gaardefrënd a Grillmeeschter, Naturbewonnerer a Wellness-Freak méi héich schloe gelooss huet. Déi Foire huet nämlech jidderengem alles gebueden! Ugefaang bei engem voll automatesche Rasenmäher an engem zolitten Inox-Grill iwwert Blummeknollen a Gaardenhaisercher bis hin zu luxuriéise Poolen, wonnerschéine Weieren an Design-Iddien fir all Gaart an all Portemonni. Hei e puer Andréck vun engem gemiddleche Spadséiergaang iwwert d'Jardirève de Samschdegowend. Jardirève ass parallel zu de Schauen Auto-Jumble "Klassech Technik", Luxembourg Mineral Expo a Brocante gelaf.

Déitlechen Accident tëscht Kënzeg a Grasse um Freidegmoien, 6.Mäerz 2009

An Ägypten ass um Méindeg 2. Mäerz eng Donateurskonferenz fir d’Gazasträif. Regierungsvertrieder aus 45 Staate si beieneen fir iwwert den Neesopbau ze diskutéieren. FOTOEN: MAE

E puer Andréck vun engem Buergbrennen am Raum Péiteng-Rodange-Lamadelaine.

Fotoe vum Buergbrennen zu Gonnereng. Copyright: RTL/Patrick Frieden