Méindeg, 22. Mäerz 2010

De Lëtzebuerger vum Joer 2009

letzebuerger
 
Wie gëtt "Lëtzebuerger vum Joer 2009"?
 

Dir hutt proposéiert an elo kënnt Dir decidéieren. A gewannen, well ënnert all deene Leit, déi matofgestëmmt hunn, gëtt et 2 x 1 Abonnement an engem Wäert vu 500.- Euro/Abonnement fir eng Dauer vu 6 Méint am Mondorf Le Club ze gewannen.

Matofstëmme lount sech also!

Aus den 289 Proposen, déi mir vun Iech erageschéckt kruten, hu mir elo 25 real existéierend a bekannte Perséinlechkeeten ausgewielt, fir déi Dir elo stëmme kënnt. Loggt Iech mat Ärem VIP-Login op RTL.lu an, maacht Äre Choix an da kënnt Dir bis zu 6 Stëmme verginn. Zum Beispill 3 Stëmme fir Äre Favorit, 2 fir den Zweeten an 1 fir den Drëtten.

Wie bis den 31. Dezember (12h) déi meeschte Stëmme gesammelt huet, gëtt eise "Lëtzebuerger vum Joer 2009" a kritt d’Goldmedail, deen Zweete kritt Sëlwer, deen Drëtte Bronze. D’Resultat gi mir den 1. Januar 2010 bekannt – hei op RTL.LU!


Vill Spaass beim Ofstëmmen, bonne Chance beim Wellness-Gewannen ... an e gudde Rutsch!

 
 
Username:
Password:
Login verhaalen:


Hëllef         Passwuert vergiess ?

Wann Dir nach net Member sidd da klickt elo hei hinner:


Xavier Bettel

Wéi beléift den DP-Politiker ass, huet säi Score bei de Chamberwahle gewisen. Belount gouf dee massive Wielersupport mam Poste vum Fraktiounspresident.
Thierry Bichel

D'Analyse vum Finanzexpert ginn appreciéiert, well hie kee Blad virun de Mond hëlt a sech ëmmer verständlech ausdréckt a sympathesch eriwwer kënnt.
Vanessa Calcagno

Wanns de eppes kanns: Eng Lëtzebuerger Opern-Stëmm an der däitscher Emissioun "Das Supertalent". Bis an d'Finale vun de leschten 12 ass d'Rees mol gaang.
Mady Delvaux-Stehres Mady Delvaux-Stehres

D'Schoulreform soll neien Drive an d'Edukatioun bréngen an d'LSAP huet sech jo ewell selwer eng exzellent Zensur ausgestallt: Joerhonnert-Reform!
Mars Di Bartolomeo

De Gesondheetsminister hëlt säin Job seriö an huet dem Fëmmen de Krich erkläert. Nieft de Restauranten soll d'Flutschen elo och a Caféë verbuede ginn.
Anny Eck-Hieff

Si stoung wéi keng Zweet fir den Déiereschutz zu Lëtzebuerg. Am Dezember huet déi engagéiert Grënnerin vun der Alpa eis fir ëmmer verlooss.
Luc Frieden

Den neie Finanzminister huet a Rekordzäit Duebelbesteierungsofkommen ënnerschriwwen, fir datt Lëtzebuerg vun der Lëscht vun de Steieroase verschwënnt.
Jean-Marc Gales

Matten an der Kris huet de Lëtzebuerger säi Patron gewiesselt: En ass vu Mercedes bei Peugeot-Citroën gaangen an huet do d'Generaldirektioun iwwerholl.
Alain Hamer

"Ee vun de beschten Arbitteren an Europa", mat där Recommendatioun vun den Internauten ass deen international renomméierte "Schiri" Kandidat ginn.
Grand-Duc Henri

Seng Standhaftegkeet an der Euthanasie-Debatt huet dem Staatschef zwar vill Kritik, dofir awer och vill Respekt a Bewonnerung als Mënsch abruecht.
Françoise Hetto-Gaasch

Politesche Shootingstar: Well d'CSV am Osten iwwerraschend 4 Sëtz kritt, gëtt si mat 2 Ministerposte belount, 1 dovu fir d'Jonglënster Buergermeeschtesch.
Änder Hoffmann

Den Hoffmann als Hoffnung vun deene Lénken oder vun "Déi Lénk", déi no de Chamberwahlen elo nees mat engem Süd-Sëtz um Krautmaart vertruede sinn.
Christiane Juncker

Hannert all staarkem Mann steet nach méi eng staark Fra, soe se. Och ouni Äntwert op d'Fro, wat de Premier ouni si wier, ass d'Madame Juncker nominéiert.
jean-claude juncker, eu-sommet, 11.12.09 Jean-Claude Juncker

Eise Premier, dee weider Eierungen a ganz Europa entgéint hëlt, Mister Euro bleift, awer net 1. EU-President gouf - de Sarkozy hat do eppes dergéint ...
Jacques Lanners

De Chef vu Ceratizit gouf "Entrepreneur vum Joer", hie meeschtert déi schwiereg konjonkturell Situatioun an iwwerhëlt Verantwortung am soziale Beräich.
Viviane Reding

Fir vill eis aktiivsten EU-Politikerin. Si huet d'Handykäschte gedréckt a wichteg Ressorten an der neier Barroso-Kommissioun geierft.
Pol Sax

Fir säi minimalistesche Roman U5 huet de Lëtzebuerger Schrëftsteller, deen zu Berlin lieft, déi héchst Lëtz. Literaturauszeechnung, de Prix Servais, kritt.
Andy Schleck

Hien huet zu de Favorite vum Tour de France gezielt an huet net enttäuscht: No enger phänomenaler Boucle ass den Andy Schleck um Enn 2., nach virum Lance!
frank_schleck Fränk Schleck

Zesumme mat sengem Brudder Andy stoung hien am Focus vum Tour de France. De Fränk huet kontrolléiert, animéiert, gehollef an d'Kinneksetapp gewonn!
Jean-Claude Schlim

Fir säin Aids-Drama "House of Boys" krut de Realisateur mat Duerchsetzungsverméigen de Lëtzebuerger Filmpräis fir dee beschte Film aus dem Joer 2009.
Nicolas Schmit

Geschätzt wéinst senger Kompetenz huet den LSAP-Ost-Politiker kriddleg Dossieren: d'Immigratioun an zënter de leschte Wahlen och den Aarbechtsministère.
Dan Spogen

Den Dan ass ee coole Speaker an ee ganz sympathesche Mënsch, "oder nik"? Dat huet dem RTL-Animateur eng Nominatioun fir de Lëtzebuerger vum Joer abruecht.
Raphaël Stacchiotti

Den Ausnahme-Schwëmmer war mat 6X Gold den "Überflieger" vun de Spiller vun de klenge Länner op Zypern a gouf Junior-Europameeschter iwwer 200m 4 Nages.
Claude Turmes - Dei Greng Claude Turmes

Als grénge Politiker huet hie sech eng europawäit Renommee gemaach, gëlt als ee vun en engagéiertsten EU-Parlementarier a krut de Solarpräis 2009.
Thierry van Werveke

Säi fréien Doud am Januar huet d'ganzt Land an en Dall vun Tréine gehäit. Et war en emouvante Farewell vun de Fans fir den onvergiesslechen Johnny Chicago.


Aus deene ville verschiddene Proposen, déi mir vun Iech eragemailt kruten, hu mir hei – an alphabetescher Reiefolleg – eng Selectioun vu 25 Lëtzebuerger Perséinlechkeete presentéiert. Am Prinzip déi, déi am dackste proposéiert goufen. Natierlech waren dat net all d’Virschléi. Hei e puer Proposen, déi eigentlech scho bal eng “mention spéciale” verdingt gehat hätten:

  • - de Panther, hien hätt Lëtzebuerg méi a Wallung bruecht ewéi dFinanzkris, dSchwéngsgripp an dem J.-C. Juncker seng Néierlag zu Bréissel; dobäi wier hie jo awer e Spigelbild vum Lëtzebuerger, resp. vun engem aus der Groussregioun vu muer ...
  • - de Sekurist, als Representant fir all déi Leit, déi fräiwëlleg op den Ambulanze fueren: "Hiren Déngscht ass bénévole an onentgeltlech. Ech fannen et dach bewonnernswäert, datt Leit hir Fräizäit sou an den Déngscht vun der Allgemengheet stellen. De Lëtzebuerger Pompjee an d'Membere vun der Protex, well si Dag an Nuet hir Fräizäit fir hir Matmënschen afferen" ...
  • - de Steierzueler, well duerch hien hat de Staat genuch Suen, fir d'banken ze retten ...
  • - de Bommeleeër, well hie sech esou gutt verstoppe kann ...
  • - de Superjhemp, well hee krut de "Bommeleeër" ...
  • - de Bluttspender, een, dee fir se all steet ...
  • - d'Baueren, well si sech bei de Mëllechpräisser wieren ...
  • - de Chomeur, well sech net genuch leit mat hinnen ofginn ...
  • - oder de Guy Bertemes ("ee gudde Familljepapp"), de Romain Buchholtz ("einfach dee Beschten"), de Stuart Baillie ("hien huet endlech e Goal zu Mäerel geschoss") oder nach d'Micheline Pena ("déi beschte Mamm vun der Welt")
  • - an ECH, well ech schaffen an dofir och Steiere bezuelen!

Wie matofstëmmt, huet - wéi gesot - d'Chance, e Wellnesspackage fir de Mondorf Le Club ze gewannen. Fir awer och deene ronn 300 Leit, déi en Numm proposéiert hunn, MERCI ze soen, hu mir ënnert hinnen all ee flotte Buch-Package verloust. Dee geet un d'Danielle Steffen vun Hesper. Felicitatiounen ... an eng agreabel Lecture!

Lëtzebuerger vum Joer 2008 war iwwregens de Jean-Claude Juncker. 2.568 Leit haten op RTL.LU gewielt an de Premier hat net manner wéi 16,09 Prozent vun alle Stëmme kritt. Op d’Plazen 2 an 3 koumen zwee vun eise beschte Cyclisten: den Andy Schleck (10,17%) an de Kim Kirchen (8,33%). Op den ondankbare Plazen hannendrun de Fränk Schleck (6,55%) an den Thierry van Werweke (6,15%), ganz knapp virum Grand-Duc Henri (6,03%) an dem David Goldrake (5,90%).


Ëmfro »

Dee geplangtene risegen Akaafszenter huet d'Polemik ëm de Football-Stadion zu Léiweng nei entfacht ...
Wat ass Är Meenung dozou?
Bei esou ee Stadion gehéiere vill Butteker. Eng gutt Saach!
Wickreng gouf refuséiert, Léiweng acceptéiert. Wéi geet dat zesummen?
Mir sollen dankbar si fir esou ee groussen Invest.
Dofir sinn op eemol och Steiersuen do. Falsch Prioritéit à mon avis.
De Stadion, egal ob mat oder ouni Commerce, gehéiert an d'Stad!
Stadion jo, Commerce nee, soss ginn déi kleng Geschäfter futti.
Ech sinn der Meenung, datt mir guer kee Stadion brauchen.
Ech hätt léiwer, mir géngen en uerdentleche Vëlodrom bauen.
Dat Wichtegst: Mir sollen de Projet net wéi den Tram zerrieden!
Mech interesséiert dat alles net.

Dëse Sondage entsprécht net de wëssenschaftleche Standarden. E representéiert just d'Meenung vun deene Leit, déi hei op RTL.LU geäntwert hunn.

Fotoe by Roland Miny »

Fotoe by Roland Miny » Fotoe by Roland Miny Dem Roland Miny seng Fotoe kafen!

Lieserbréiwer & Commentairen »

Lieserbréiwer & Commentairen » Lieserbréiwer & Commentairen

Sport-Resultater direkt op den Handy! »

Sport-Resultater direkt op den Handy! » Sport-Resultater direkt op den Handy!

IPaper
Printemps Musical
Printemps Musical
All Datumer ... All Datumer ...

Wou gëtt am Moment kontrolléiert! »

Wou gëtt am Moment kontrolléiert! » Wou gëtt am Moment kontrolléiert! Den Iwwerbléck vun den ugekënnegten Radarkontrollen.

Äre personaliséierte Fotoalbum! »

Äre personaliséierte Fotoalbum! » Äre personaliséierte Fotoalbum! Verwandelt Är digital Fotoën an e gebonnenen Album oder en originelle Kalenner.
Dat Bescht, wat Äre Fotoe passéiere kann!

A wéi gëtt d'Wieder bei Iech? »

A wéi gëtt d'Wieder bei Iech? » A wéi gëtt d'Wieder bei Iech?

Webcam Héichhaus »

Webcam Héichhaus »
Webcam Héichhaus - Luxembourg City

Wat kascht de Liter? »

Wat kascht de Liter? » Wat kascht de Liter? Egal op Diesel, Bensin, Mazout oder Gas: Hei gitt der gewuer wat et kascht.

Séier informéiert, och um Handy »

Séier informéiert, och um Handy » Séier informéiert, och um Handy