Accident op der A3: Camion getippt, Chauffer uerg blesséiert

RTL - 25.05.2012, 11:07 | Fir d'lescht aktualiséiert: 25.05.2012, 17:41

Accident am Beetebuerger Kräiz an der Bretelle vun der A3 a Richtung Lëtzebuerg eriwwer op d'A13 a Richtung Péiteng: E Camion ass ëmgetippt.

© RTL / Paul Fischer
De Camion hat Schrott gelueden. De Chauffer huet d'Kontroll verluer a säi Gefier huet sech doropshin op d'Säit geluecht. De Chauffer gouf ageklemmt a schro verwonnt.

Geschitt ass den Accident kuerz no 10 Auer um Freidegmoien.

© Police Grand-Ducale


Nach bis e Samschdeg ass d'Bretelle fir vun der A3 eriwwer op d'A13 ze fueren, wéinst den Opraumaarbechten, gespaart. D'Deviatioun geet duerch de Rondpoint Helleng.

© RTL / Paul Fischer


D'Ambulanz an de Sauvetage vun Diddeleng, d'Pompjeeën an de Samu vun Esch, d'Ponts & Chaussées an d'Police waren op der Plaz.