Ganz schroen Aarbechtsaccident um Dënschdeg zu Maarnech

RTL - 26.06.2012, 09:57 | Fir d'lescht aktualiséiert: 26.06.2012, 14:01

Bei enger Baufirma zu Maarnech, koum et um Dënschdegmueren zu engem schroen Aarbechtsaccident. En Aarbechter gouf mat Verbrennungen op Léck geflunn.

© Police
En Aarbechter war amgaang e Masuttstank ze botzen wéi et op eemol zu enger Verpuffung komm ass. Wéi et dozou komme konnt, bleift nach ze klären.

Een Aarbechter ass ganz uerg verbrannt, an huet misste mam Rettungshelikopter op Léck an de "Centre des grands brûlés" geflu ginn.

Op der Plaz waren d'Pompjeeën an d'Ambulanz vu Klierf, de Samu vun Ettelbréck, de Rettungshelikopter, d'ITM souwéi de Miess- an Erkennungsdéngscht vun der Police.