Bartreng: Déidlechen Tëschefall op der Gare

RTL - 21.07.2012, 11:29 | Fir d'lescht aktualiséiert: 21.07.2012, 11:35

Um Samschdegmoien ëm 6.30 Auer ass op de Bartrenger Gare eng Persoun ënnert den Zuch komm - der Police no ouni friemt Verschëlden. Si huet net iwwerlieft.

© Police
De Schnellzuch Nr. 2129 vu Lëtzebuerg via Arel op Bréissel krut ee Mann ze paken.

Wéi d'Police matdeelt, kinnt den éischten Ermëttlungen no eng Friemawierkung ausgeschloss ginn.

Eréischt géint 8 Auer konnt d'Zuchlinn nees fir den Trafic opgemaach ginn. Och d'Barrière zu Bartreng huet musse fir eng Zäitchen zou bleiwen.

D'Zuchpassagéier si mat Busse weidergefouert ginn.

Sur place: Police vun der Cap, Pompjeeë vu Bartreng, Ambulanz vu Mamer, Samu aus der Stad a Leit vun den CFL.