Uganda: Liewensgeféierlech Ebola-Epidemie nees do

RTL - 29.07.2012, 08:34 | Fir d'lescht aktualiséiert: 29.07.2012, 09:03

Am Uganda ass déi liewensgeféierlech Ebola-Epidemie nees opgedaucht: Der WHO no ass d'Krankheet an Tëschenzäit bei 20 Leit festgestallt ginn.

Dovunner sinn der scho 14 gestuerwen. D'Krankheet gëtt duerch den Ebola-Virus ausgeléist, engem vun de geféierlechste vun der Welt. A 50 bis 80% vun de Fäll stierft deen infizéierte Patient. Et gëtt bis ewell weder eng Impfung nach ee Medikament dat géint de Virus efficace wier. Am Uganda waren an de Joren 2000 an 2007 scho mol där Epidemien, an deenen op d'mannst 200 Mënsche gestuerwe sinn.