Festungsmusée: Dépassementer an Héicht vu 5 Milliounen Euro

De Festungsmuséee war de Méindeg Thema an der Budgetskontrollkommissioun vun der Chamber. Ronn 40 Milliounen Euro dierft en um Enn kaschten.

 

De Musée Dräi Eechelen kënnt einfach net zur Rou: 35 Milliounen Euro plus zweemol 2,5 Milliounen Dépassementer mécht 40 Milliounen ... an nach ëmmer steet net fest, wéini en opgeet!

Dem Rapporteur Norbert Haupert no dierft de Festungsmusée op den 3 Eechelen am Endeffekt ronn 40 Milliounen Euro kaschten! Deemno géif et ënner dem Stréch zu Dépassementer an Héicht vun enge 5 Millioune kommen!

De Méindegnomëtte krut d'Budgetskontrollkommisioun vun der Chamber dem CSV-Deputéierte säi "Projet de rapport" zum "Musée de la forteresse" presentéiert, an dono waren d'Reaktiounen op Säite vun der Oppositioun relativ unanime ...

D'Kommissiounspresidentin Colette Flesch sot no där Réunioun, dass dee Rapport fir si ze douce ausgefall ass.

D'Colette Flesch iwwert de M3E: »

D'DP-Deputéiert huet drun erënnert, dass d'Kommissioun 2006 nei Prozeduren doriwwer festgeluegt huet, wéi grouss Projeten an Zukunft sollten ugepak ginn. Hire Wonsch ass et, dass d'Ministèren zukünfteg mat méi realitéitstreie Projeten an d'Chamber kommen.

VIDEO: Reportage vum Monique Kater



Fir den adr-Vertrieder Robert Mehlen ass un de Faiten näischt méi z'änneren. Et kéint, wann et ëm d'Responsabilitéite geet, awer net eleng mam Fanger op Sites et Monuments gewise ginn; de Ministère stéing do jo nach driwwer.

De Robert Mehlen iwwert de M3E: »

An den Ae vum Deputéierte vun der adr hätt beim Musée de la Forteresse jiddereen e bësse gemaach, wat e wollt, an et gouf kee groussen Intressi am Ministère, bis keng Sue méi do waren!

 

Är Commentairen