Am Mëllechsecteur annoncéiert sech eng gréisser Fusioun mat Repercussiounen op d'Lëtzebuerger Mëllechbaueren: MUH an Arla wëllen zesummegoen.

Méi wéi een Drëttel vun alle Lëtzebuerger Mëllechbaueren liwweren un d'MUH.

Elo wëllen d'MUH, also d'Milch-Union Hocheifel an déi däitsch-skandinavesch Arla Foods hir Aktivitéiten an Zukunft zesummeleeën.

Wann d'Fusioun nom Vote den 26. Juni an den Assembléeë vun béide Genossenschaften ëppes gëtt, entsteet doduerch deen drëttgréisste Molkerei-Betrib an Däitschland.

D'MUH verschafft d'Joer 1,3 Mia Kilo Mëllech, bei der dänescher Arla-Molkerei sinn et 9,2 Mia Kilo.

Bei d'MUH liwweren eng 2800 Baueren, bei der Arla ginn eng 8000 Memberen an der Genossenschaft gezielt.