Nodeems LCGB an OGBL um Freideg mat der Direktioun vum däitschen Drogerie-Grupp beienee koumen, ass kloer, datt déi Lëtzebuerg Filial Opootme kann.

Déi 28 Butteker ginn nämlech weider duerch däitsch Logistik-Filièrë beliwwert.

Deemno besteet de Gewerkschaften no, net de Risk vun engem Ewechfale vun de Liwwerungen oder dem Net-Ausbezuele vun de Paien.

Et bleift natierlech awer nach ze klären, wat mat Schlecker Éisträich geschitt, dëst ass jo d'Mammenhaus vun de lëtzebuerger Butteker.