Trickdéifstall an Akafszenter zu Angelduerf

RTL - 20.06.2012, 12:10 | Fir d'lescht aktualiséiert: 20.06.2012, 16:19

Zu Angelduerf hunn e Mëttwochmëtteg géint 16 Auer 3 jugendlech Meedercher mat Hëllef vun engem Trickdéifstall Suen ergaunert.

Eng Koppel gouf vun 3 Meedercher ugeschwat fir Suen fir e gudden Zweck ze spenden. Si sollten desweideren hiren Numm op eng Lëscht schreiwen. Wéi d'Koppel en 10 Euro Schäin wiessele wollt, ass et engem vun de Meedercher gelongen, eng gréisser Zomm aus dem Portefeuille ze klauen. 

D'Police vun Housen enquêtéiert.

D'Hëllefsorganisatioun präziséiert, datt MSF Lëtzebuerg ni Kollekten op der Strooss organiséiert, bei deenen Boergeld gesammelt gëtt, et sief d'Aktioun ass virdrun an der Press annoncéiert ginn.

Sollt ee vu sou enger Persoun ugeschwat ginn, soll een direkt d'Police ruffen, sou MSF.