Jonglënster/Blummendall: Automobilistin schwéier blesséiert

RTL - 28.06.2012, 10:35 | Fir d'lescht aktualiséiert: 28.06.2012, 11:36

Autosaccident tëscht Jonglënster an dem Blummendall: Eng Automobilistin, déi aus bis elo ongekläerter Ursaach an e Bam gerannt ass, gouf uerg verletzt.

© Pompjeeë Jonglënster
Duerch de Schock gouf si mat hirem Gefier bis an d'Wiss geschleidert. Si huet missten vun de Pompjeeën aus hirem Auto erausgeschnidde ginn. D'Accident ass um Donneschdeg de Moie géint 7.00 Auer geschitt.

Si koum mat ganz schwéiere Blessuren mat der Ambulanz vu Jonglënster an d'Spidol gefouert.
Op der Plaz waren d'Pompjeeë an d'Rettungsdéngschter vu Jonglënster, de Stater Samu an Dokter, souwéi d'Police vu Maacher.

© Pompjeeë Jonglënster