Accident op der A3: Camion géint Auto - 2 Blesséierter

RTL - 09.07.2012, 09:22 | Fir d'lescht aktualiséiert: 09.07.2012, 10:30

E Méindegmoie fréi koum et op der Diddelenger A3 zu engem Accident tëscht engem Camion an engem Auto, bei deem 2 Persoune blesséiert goufen.

© CI-Diddeleng
E Camionschauffer ass um Grenziwwergang iwwert d'Autobunn gefuer fir op den anere Parking ze kommen. Deen Ament ass en Auto komm, deen a Richtung Frankräich ënnerwee war. D'Automobolistin krut net méi mat Zäite gebremst, sou dass et zur Kollisioun mam Camion koum.

© CI-Diddeleng


Déi 2 Persounen aus dem Auto goufe blesséiert an hu mussen an d'Spidol bruecht ginn.

Op der Plaz waren d'Ambulanz an d'Pompjeeë vun Diddeleng, souwéi d'Police.