Wahl-Plakaten iwwerpecht: Greenpeace ënnerstëtzt Polarbieren

Teddy, Boby a Wendy: Esou nenne sech déi 3 "Polar-Bieren", déi d'Wahlplakater iwwerpecht hunn. Greenpeace ënnerstëtzt hi Aktioun an hir Fuerderungen.

Virun ongeféier 3 Woche goung et lass: Op enger Rëtsch Wahlplakater vun deene 5 grousse Parteien (CSV, LSAP, DP, Déi Gréng an ADR) waren op eemol kleng schwaarz-gréng Messagen opgepecht, mysteriéis Messagen, well ouni Auteur an ouni konkrete Message ...

"10% manner, dat geet net duer" war am Ufank do ze liesen. Dono "20% manner, allez nach e klengen effort", an zanter e Mëttwoch eng drëtt Botschaft oder vill méi Opfuerderung: "30% manner CO2, dat ass de Minimum. Dofir stëmmen ech".

Domat gouf dann och bestätegt, wat vun Ufank u geduecht gi war, ouni et kënnen ze beleeën: Bei de Message goung et ëm d'Erofsetze vun den CO2-Emissiounen.

An der Mëttesstonn vum Donneschdeg, 4. Juni gouf déi u sech illegal Pech-Aktioun dann och revendikéiert. An engem per Mail verschéckte Communiqué war ze liesen: "Cette action n'avait pas été revendiquée jusqu'aujourd'hui, alors que de nombreux soupçons planaient sur les auteurs. Nous vous informons par la présente qu'il s'agissait en réalité de Wendy,
Boby et moi-même [Teddy], les trois ours polaires débarqués au Luxembourg il y a 6 mois."

Weider heescht et am Schreiwes: Déi 3 Bieren hätten des lescht ewell eng Rëtsch Ministere getraff, hätten hir Revendicatiounen och schonn engem breede Public matgedeelt a virun de Wahlen hätte si dunn decidéiert, sech och direkt un d'Parteien ze riichten, fir datt déi d'Klimaerwiermung als serieux Menace fir de Planéit géngen eescht huelen ("afin de demander aux partis politiques de considérer le rechauffement climatique comme une menace sérieuse pour la planète").

D'Äis schmëlzt, d'Zäit leeft

Déi dräi Polarbieren, deenen hire Liewensraum duerch d'Schmelze vum "éiwegen Äis" akut bedroht ass, verlaangen eng Reduktioun ëm 30% vun den Dreiwhausgasen bis 2020, par rapport zum Joer 1990.

D'Klimakatastrophe hätt nämlech onkontrolléierbar Degaten zur Folleg, déi och net méi réckgängeg ze maache wieren - dëst fir eis Ëmwelt an eis Spezies, also de Polarbier ... an natierlech och de Mënsch.

Dofir: "il est urgent et indispensable que tout le monde s'engage dans la lutte pour la protection du climat et qu'ici au Luxembourg, le futur gouvernement prenne les mesures urgentes qui s'imposent."

Ënnerstëtzung vu Greenpeace ...

Wien dann elo genee hannert de Bieren steet oder an de Biere-Kostümer stécht, dat gëtt awer net am Communiqué verroden ... allerdéngs ass ronn 2 Stonnen nom Communiqué vun de Bieren e Communiqué vu Greenpeace verschéckt gi mam (net esou iwwerraschenden) Titel: "Op d'mannst 30% manner CO2 zu Lëtzebuerg, Greenpeace stëmmt dofir!"

D'Organisatioun Greenpeace, déi sech jo op Ufro vun de Medien net offiziell vun der Plakat-Aktioun distanzéiere wollt, ënnerstëtzt also d'Messagen op de Wahl-Affichen.

Et misst een nämlech d'Klimapolitik déifgräifend veränneren, wann een déi global Erwiermung ënner 2 Grad hale wéilt. Dat heescht: Bis 2020 30 Prozent manner CO2 wéi 1990 - wat dann och duerchaus ze maache wier: "Cet objectif est parfaitement réalisable par des mesures domestiques."

Allerdéngs wiere sech d'Parteien dem Eescht vun der Situatioun nach net bewosst, esou Greenpeace. De Greenpeace-Direkter Paul Delaunois seet sech enttäuscht, datt de Klimawiessel nach ëmmer net zu den Haaptprioritéite vun de Parteien zielt:

"Les partis politiques ne placent toujours pas la lutte contre le changement climatique parmi leurs priorités principales. Aucun d'entre eux ne donne l'impression d'avoir une réelle stratégie, ni une réelle ambition pour le Luxembourg en cette matière et bien que leurs programmes électoraux ont bien évolué depuis les dernières législatives, ils ne sont pas encore crédibles. C'est dramatique, c'est incompréhensible, c'est irresponsable et ce sera dommageable pour le Luxembourg. Op d'mannst 30% manner CO2 zu Lëtzebuerg? Greenpeace stëmmt dofir!."

Är Commentairen

D'Commentairer gi gelueden, ee Moment w.e.g.!