Féiz: Feier an engem Restaurant am Supermarché Cora

RTL - 13.07.2012, 19:43 | Fir d'lescht aktualiséiert: 13.07.2012, 21:23

Décken Damp, awer keng Blesséiert zu Féiz: Um Freidegowend géint 19.15 Auer gouf et ee Feier an engem Restaurant vum Supermarché Cora.

© Jan Bolen
Ursaach vum Feier war ganz waarmt Fett, dat fir e Brand an der Hott a fir ganz vill Damp gesuergt huet.

De Restaurant ass quasi an de Supermarché integréiert, dofir hu musse vill Leit evakuéiert ginn.

An éischten Informatiounen hat et geheescht, d'Feier wier am Drinkshop vum Akafszenter ausgebrach an de Feieralarm wier net ugaangen.

Déi lokale Pompjeeën haten de Brand awer séier ënner Kontroll an et gouf och kee blesséiert.

© Deborah Ceccacci