Stad: Ënnerwee ouni Führerschäin a vill Alkohol am Blut

RTL - 12.08.2012, 12:48 | Fir d'lescht aktualiséiert: 12.08.2012, 12:56

An der Stad ass e Chauffeur e Sonndeg de Moie um 6 duerch eng Wiss gerannt a krut e Schëld ze paken. Hien hat ze vill gedronk a kee gültege Führerschäin.

© RTL / Patrick Frieden
An der rue St Mathieu ass de Chauffeur also fir d'éischt duerch eng Wiss gerannt an krut dobäi e Schëld vun der UNESCO ze paken. Hie wollt weiderfueren, awer d’Rieder vum Auto ware blockéiert.

Eng Awunnerin déi duerch de Kaméidi wakreg gouf, huet d’Police geruff.

D’Beamten hu festgestallt, dass de Chauffeur net nëmmen ze vill gedronk hat, mä och nach ouni gültege Führerschäin ënnerwee war. Hie gouf protokolléiert.