Sou lues a lues kënnegt sech d'Rentrée un, och bei an der Politik, wou d'Piraten en Donneschdeg op hir politesch Rentrées-Pressekonferenz invitéiert hunn.

De Grondsazprogramm vun de Piraten huet 6 grouss Themekomplexer mat 15 verschiddene Beräicher: d'Bildung soll méi flexibel an demokratesch ginn. D'Partei setzt sech fir eng progressiv Gesellschaftspolitik an, ouni Friembestëmmung, a verlaangt ënnert anerem méi Rechter a besser Konditioune fir Migranten.

D'nächst Joer ginn d'Wahlen 2014 preparéiert. D'Piraten (oder „déi Mauve“ wéi een se op Grond vum Choix vun der Faarf fir hir Partei-Identitéit och kéint nennen) wëllen an alle Bezierker kandidéieren. 2% wëllen se kréien, wann et der méi ginn, tant mieux, „mir huelen och een, zwee Sëtz mat“, sot de President vun der Piratepartei, de Sven Clement.