E Grondakommes fir jiddereen. Ouni eng Géigeleeschtung. Esou e Sozialmodell kéint och hei am Land ëmgesat ginn, fënnt d'Initiativ Grondakommes Lëtzebuerg.

Jidderee vun eis - egal ob aarm oder räich - kritt e fixe Montant vum Staat, fir ze liewen. Dat gëtt engem eng Sécherheet a méi Fräiheeten, méi Fräizäit, wann ee wëll, a vereinfacht d'Sozialtransferten a reduzéiert den administrativen Opwand.

Dës Iddi vun engem Grondakommes fir jiddwereen gëtt a ville Länner diskutéiert. Sue fir déi Räich - firwat dat dann? ... Ass net ze finanzéieren! ... An da geet jo kee méi schaffen ... Dat alles si Viruerteeler, déi sech dësen neie Sozialmodell muss gefale loossen. Dat wär awer esou net richteg, mengt de Psycholog Alfred Groff vun der Initiative Grondakommes Lëtzebuerg.