Op der Felg: Police stoppt Tankwon mat engem geplatze Pneu

RTL - 07.11.2009, 17:29 | Fir d'lescht aktualiséiert: 07.11.2009, 17:37

D'Police huet eegenen Aussoen no eng Katastrophe verhënnert, wéi si en Tankwon mat 39.000 Liter Diesel gestoppt huet, deen op der Felg gefuer ass ...

© RTL (Archivbild)

Si war grad am Gaang en Accident am Verdeeler fir op d'A3 zu Hesper ofzesécheren, wéi der Policepatrull aus der Stad en Tankwon opgefall ass, dee grad laangscht si gefuer ass an hanne riets op der Felg ënnerwee war.

Den Tankwon, deen 39.000 Liter Diesel gelueden hat, konnt nach op der A3 gestoppt ginn.

Dem Chauffer war net opgefall, datt ee Pneu geplatzt war.