Wellesteen: Abriecher zervéiert sech bei Drauwen a Kiwien

RTL - 07.11.2009, 19:46 | Fir d'lescht aktualiséiert: 07.11.2009, 19:57

Vum Freideg op e Samschdeg gouf zu Wellesteen an zwee Haiser agebrach. Een Abriecher huet sech fir d'Kreditkaarten a fir Drauwen a Kiwien interesséiert.

Uechtert d'Land gouf e Freideg an e Samschdeg op e puer Plazen an Haiser agebrach. Suen, Kreditkaarten a Bijoue goufen dacks geklaut an zu Wellesteen war den Abriecher anscheinend och hongreg.

Hien huet Kiwien an Drauwen, déi am Haus an der Rue de Remich waren, mat an de Keller geholl an do giess. Duerno ass e mat der geklautener Bankomatskaart op Réimech gefuer, fir Suen opzehiewen.

Och an der Wellesteener Rue Sainte-Anne gouf an een Haus agebrach. Den Täter, deen 2 Bewegungsmeldere vun de Baussescheinwerfer no uewe gedréckt hat, wollt fir d'éischt eng Fënster aushiewelen, huet et sech dunn awer anescht iwwerluecht an e Schlass geknackt, fir an e Virzëmmer ze kommen. Vun do aus ass e via déi oppe Kicheendier an d'Haus komm, wou en 30 Euro an eng Visakaart geklaut huet, mat där en dunn zu Sandweiler an zu Réimech Suen opgehuewen huet.