Stadion Léiweng: D'Confédératioun du Commerce wonnert sech doriwwer, datt si bis elo net informéiert ginn ass an och iwwer d'Gréisst vum Projet.

Di blo-gréng Majoritéit um Knuedler kritt elo Ënnerstëtzung fir hir Kritik um Projet Léiweng mat Footballstadion a 'Centre commercial'.

Keng Consultatioun a keng Informatioun, d'Handelsconfederatioun wier bis elo praktesch iwwergaange ginn. An duerfir hätten hir Membere sech och net kënnen artikuléiere, seet den Directeur adjoint, den Yves Gordet, dat wier awer wichteg bei esou enger Envergure, déi – dovunner ofgesinn – bis elo net an deem Mooss bekannt wor.