DP an Déi Gréng: LSAP fäert Debatt iwwer Rentesystem

RTL - 11.03.2010, 18:48 | Fir d'lescht aktualiséiert: 11.03.2010, 23:41

D'LSAP fäert en ëffentlechen Débat iwwert d'Zukunft vum Rentesystem. Dat schreiwen Déi Gréng an d'DP en Donneschdeg engem gemeinsame Communiqué.

An der Conférence des Présidents an der Chamber hätt een net schlecht gestaunt, wéi de Fraktiounschef vun der LSAP, den Lucien Lux de Sozialisten hir Demande fir eng Orientéierungsdebatte iwwert d'Zukunft vum Rentesystem erëm zeréckgezunn huet.

Genee den Débat bräicht een awer, och well de Premier Jean-Claude Juncker annoncéiert huet, dass an der Tripartite net iwwert de Rentsystem wäert riets goen.

D'DP an Déi Gréng maachen elo en Appel un d'Regierung endlech mam Verstoppjes an puncto Renten opzehalen. Dee Sujet misst ëffentlech an net hannert zouenen Diere behandelt ginn.