CFL: Zich tëscht Lëtzebuerg an Ettelbréck rullen nees

RTL - 18.03.2010, 12:41 | Fir d'lescht aktualiséiert: 18.03.2010, 16:15

CFL: De Problem op der Zuchstreck Lëtzebuerg-Ettelbréck ass behuewen. D'Zich rullen nees. E futtisse Stroumkabel hat jo ee Catenaire gekappt.

An der Gare vu Miersch gouf et um Donneschdeg e Problem mat engem Catenaire.© Dany Thielen/RTL (Archivbild)
Um Donneschdeg kuerz viru Mëtteg gouf eng 65.000 Volt Héichspannungsleitung vu CREOS bei Maintenance-Aarbechten an der Gare vu Miersch beschiedegt. D'Leitung war komplett duerchtrennt ginn an ass dunn op ee Catenaire vun den CFL gefall. Déi leitung vun der Zuchstreck Lëtzebuerg-Ettelbréck ass doropshin futti gefuer.

D'Héichspannungsleitung war zwar bannent 12 Minutte gefléckt, mee d'Reparatur vum Catenaire huet méi laang gedauert. Am Endeffekt konnt si awer och nees méi séier hirgeriicht ginn, wéi geduecht. Géint 15 Auer war nees alles normal.

Bis zu de Spëtzenzäiten am owestrafic sollt sech nees alles wéi gewinnt lafen.

An der Tëscht haten eng 12 Bussen d'Zich ersat.