Ex-CSV-Fraktiounssekretär kritt 4 Joer Prisong mat 3 Sursis

RTL - 18.03.2010, 15:33 | Fir d'lescht aktualiséiert: 18.03.2010, 16:19

Wéinst dem Verontreie vu Sue krut den Ex-CSV-Fraktiounssekretär Livius Gorecka um Geriicht an der Stad 4 Joer Prisong, dovun 3 mat Sursis probatoire.

Eng Oplag ass déi, dass hien deene 4 Cliente vun enger Verméigensverwaltungsgesellschaft, déi hien ëm méi wéi eng hallef Millioun € bedrunn hat, déi Suen zréckbezillt. Donieft krut de Jurist eng Geldstrof vu 5.000 € an däerf 5 Joer net an deem Beräich schaffen.

Pikanterweis war d’Haaptaffer vum Livius Gorecka säi fréiere Frënd François Colling, den Ex-CSV-Fraktiounschef an der Chamber.