D'SES-Astra huet eng Initiative lancéiert, déi et erméigleche soll, mat wéineg techneschem Opwand doheem dräidimensional Tëlee kënnen ze kucken.

Wéi fannt Dir
dësen Artikel?

75%

25%

16 Vote(n)

Den Operateur vu Betzder huet sech mat de wichtegen europäesche Chaînen op e Standard gëeenegt. Et brauch ee fir den Empfank vun 3D iwwer Satelitt keng nei HDTV-Set-Up-Box. Da bräicht de Konsument, keng nei Set-Up-Box ze kafen, sou den Thomas Wrede vun der SES-Astra, wann en da schonn eng huet. Dat heescht fir 3D-Tëlee kënnen ze kucken, ass "nëmmen" nach e kompatibelen Tëlees-Apparat aus der mëttlerer bis héijer Präis-Kategorie néideg.

Grad ewéi am Kino wäert een iwwregens och doheem een "3D-Brëll" fir déi nei Technologie brauchen. Déi éischt Pay-TV Sender fänken am Hierscht un vereenzelt Programmer am "3D" ze diffuséieren; ma bis all d'Sender regelméisseg am "Dräidimensionalen" senden, wäert wuel nach e bëssen Zäit vergoen.