D'Situatioun

Och um Mëttwoch läit Lëtzebuerg nach ënnert dem Afloss vun enger killer an deels fiichter Nordweststréimung.

D'Previsiounen

Et gëtt wuel manner an och manner staark Schaueren ewéi um Dënschdeg, mä ëmmer nees kann e Schluet falen. Dotëscht schéngt d'Sonn och emol, mä iwwer 9 bis 13°C kommen d'Temperaturen net eraus.

Aussiichten

Um Donneschdeg Moie ass nees Buedemfrascht méiglecht, duerno geet et frëndlech awer kill duerch de Feierdag. Vun e Freideg bis e Sonndeg sinn zemools Nomëttes Schauere méiglech, et gëtt awer e bësse méi waarm.