Iechternach: Café an Haler Gaass um Freidegmoien a Brand

RTL - 13.08.2010, 08:00 | Fir d'lescht aktualiséiert: 13.08.2010, 14:37

Zu Iechternach huet et um Freidegmoie géint 5.20 Auer am Café "Philo'soff" an der Haler Gaass (Rue de la Gare) gebrannt. Et ass kengem eppes geschitt.

© Police grand-ducale

Noperen war Damp opgefall. Si hunn dunn direkt d'Pompjeeë geruff.

D'Feier konnt deemno séier geläscht ginn an et ass och kengem eppes geschitt. Um Rez-de-Chaussée ass héije Materialschued entstanen.

D'Gebai ass duerch d'Feier onbewunnbar ginn, well duerch de villen Damp och déi zwou iewescht Etage staark a Matleedeschaft gezu gi sinn.


Op der Plaz waren d'Pompjeeë vun Iechternach, Consdrëf, Osweiler a Gréiwemaacher souwéi de Samu aus der Stad.


Feier zu Iechternach: Kult-Café verbrannt (12.08.2010)
De Freideg den 13. huet dem Philo'soff zu Iechternach kee Gléck bruecht. De Café huet bei engem Feier nawell uerg gelidden.